Србија има 52,3 тони злато во вредност од речиси шест милијарди евра, што е повеќе од сите земји од поранешна Југославија заедно, изјави гувернерката на Народната банка на Србија (НБС) Јоргованка Табаковиќ во Базел.

На Извршниот форум за управување со златни резерви во Базел, таа рече дека златните резерви претставуваат повеќе од една петтина од вкупните девизни резерви на Србија.

„Србија има повеќе злато од повеќето земји од Централна Европа. Има повеќе злато по глава на жител од која било земја во Западен Балкан“, изјави таа.

Стабилна цената за златото, грам се продава за 113 евра

Таа истакна дека толку голема количина злато во Србија е стекната врз основа на долгорочна визија, на паметна комбинација од домашни и меѓународни купувања, како и на прецизното време на влегување во глобалните текови. Табаковиќ рече дека златото ја зголемило својата вредност и неговата цена постојано ги кршела историските рекорди, додавајќи дека по неколку децении златото повторно станало не само симбол, туку и инструмент на монетарен суверенитет, отпорност и доверба- објави Кликс.ба.