СЗО ја одобри вакцина на „Џонсон&Џонсон“ за итна употреба
Светската здравствена организација (СЗО) денеска ја одобри анти-ковид вакцината на „Џонсон&Џонсон“ за итна употреба.
– СЗО ја вклучи вакцината против ковид-19, Ad26.COV2.S развиена од „Џонсон&Џонсон“, во списокот на препарати за итни случаи во сите земји и за Меѓународен механизам за пристап до вакцини, се наведува во соопштението од оваа организација.
СЗО потсети дека оваа вакцина вчера беше одобрена од Европската агенција за лекови (ЕМА).
Досега, списокот на СЗО со вакцини што се препорачани за употреба против ковид-19, ја вклучуваше само вакцина Комирни, развиена од „Фајзер“ и „БајонТек“, како и две варијанти на вакцини од британско-шведската компанија „АстраЗенека и Универзитетот во Оксфорд.
– Секоја нова, безбедна и ефикасна алатка против ковид-19 е уште еден чекор поблизу до контролата на пандемијата, наведе шефот на СЗО, Тедрос Аданом Гебрејесус.