СЗО: Денеска е модерно да се биде дисидент, се зголемува бројот на противници на вакцини

Фото: Профимедиа

Светското лоби на противници на вакцини е се поголемо, изјави претставничката на Светската здравствена организација (СЗО) во Москва, Мелита Вујновиќ, известува ТАС.

– Тоа движење расте. Денеска е модерно да бидеш дисидент, а лобито на противници на вакцини е се поприсутно и погласно, укажала Вујновиќ за време на седница посветена на Ковид-19 на Руската академија за науки.

Агенцијата наведува дека Мелита Вујновиќ се противи на коментарите на социјалните мрежи во кои се тврди дека „вакцините се смртоносни и штетни за луѓето“.

– Тоа се прави и покрај тоа што сите знаат дека вакцините се најважна мерка во јавното здравство кои овозможија на модерното човечко општество да ги зачува животите на децата, да ги зголеми човековиот животен век и да го намали бројот на лица со инвалидитет, нагласила Вујновиќ.

Таа предупредила дека ваквите ставови нема да го променат однесувањето на луѓето само спрема вакцинација, туку ќе нанесат и долгорочна штета на комплетниот здравствен систем.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот