Светскиот ден на предвремено родените бебиња се одбележува денеска, 17 ноември, под мотото „Кожа на кожа“, која, како најголем човечки орган, е особено значајна за бебето. Предвреме родените дечиња заслужуваат посебно внимание од страна на целото наше општество.

Здружението на Неонатолози и Алкалоид АД Скопје, по повод Светскиот ден на предвремено родените деца, организираа стручен собир, каде беа соопштени и резултатите од клиничкото истражување за линијата „Бекутан сензитив“ (Becutan Sensitive), спроведено во нашата земја, кај 300 деца, во соработка со четири болници.

На Клиниката за гинекологија и акушерство Скопје, првото најмладо преживеано недоносено бебе е родено за време на 23-та гестациска недела. Во светот во 2021 година веќе е родено и живее без последици бебето родено во 19-та гестациска недела. За жал, се зголемува бројот на предвреме родени деца, но се зголемува и бројот на преживеаните, изјави проф. д-р Силвана Наунова Тимовска, претседателка на Здружението на неонатолози, која е вработена на Клиниката за детски болести, на одделот на интензивна нега.

Благодарение на големиот технолошки напредок и соработката на гинеколозите, акушерките и педијатрите – неонатолози, процентот на преживеани предвремено родени бебиња значително се зголемил во последниве години, рече проф. д-р Наунова Тимовска, која истакна дека Америка и Австралија предничат во преживување на предвремено родените деца, па таму најмалото преживеано дете кое е родено во 2021 година и кое живее нормално без некои поголеми последици, е родено во 19-тата гестациска недела.

– Ние пак, можеме да се пофалиме со тоа дека кај нас, првото најмало преживеано недоносено бебе е родено во 23-тата гестациска недела – рече проф. д-р Наунова Тимовска.

На прашањето на што се должи зголемениот број на предвремено родени деца, особено на екстремно прематурните, д-р Наунова Тимовска посочи дека причините се многубројни. Од една страна е поместување на старосната граница на раѓање, но влијание има и самиот стил на живот.

– Секаде во светот постои тренд на зголемување на бројот на предвремено родени бебиња, како што има и тренд на намалување на самиот наталитет. Постојат многу големи причини за тоа. Од една страна е поместувањето на самата старосна граница на раѓање. Сè повеќе жени се одлучуваат да станат мајки по 36-тата година, но причина може да биде и раната бременост, адолесцентната бременост, девојки кои стануваат мајки пред да наполнат 18 години. Од друга страна, самиот стил на живот – стресот, разните навики, вештачкото оплодување… Сите тие причини се многубројни. Меѓутоа, од една страна се зголемува и стапката на преживување, што многу нè радува. Денес медицината оди напред, има многу можности и нови технологии и методи кои може да помогнат во преживувањето на самите деца. Меѓутоа, не е важно само да се преживее, важно е и каков квалитет ќе има нивниот живот, без или со минимални последици – информираше д-р Наунова Тимовска.

Прим. д-р Марина Поп-Лазарова, педијатар, пак, истакна дека е од голема важност обезбедувањето веднаш и постојано „контакт кожа со кожа за секое новородено и насекаде“.

Кожата како најголем орган на човечкиот организам, кај новороденото дете има повеќе функции, од заштитна, па одржување на соодветен баланс на течности и електролити, одржување на една температурна стабилност, како и сензорен орган во кој се сите рецептори за болка, притисок и за допир, па затоа треба многу да ја заштитуваме и негуваме. Во тој контекст Поп-Лазарова ги соопшти резултатите од шестмесечната клиничка студија во која биле опфатени 300 новородени деца, од кои 85 отсто биле доносени, а 15 отсто, недоносени.

– Кожата на новородено бебе во центар, како една од најголемите органи на организмот, особено е значајно во периодот на овој неонатален развој и раст на децата од првиот ден од животот. Кожата на новороденото дете има повеќе функции, почнувајќи од една заштитна функција, а тоа е одржување на соодветен баланс на течности на електролити, на една температурна стабилност. Овие деца се многу сензитивни во однос на температурните промени, и затоа ги третираме на термо неутрална зона. Во тој контекст, имаме одлична соработка со „Бекутан“ – рече д-р Поп-Лазарова.

– Со користење на препаратите од колекцијата „Бекутан сензитив“ на „Алкалоид“, во оваа студија се покажа дека препаратите од истата се одличен соработник за чување, нега и заштита на новороденечката кожа, вклучително и вулнерабилната кожа кај предвремено родените деца. Претходно, оваа колекција е тестирана во релевантна лабораторија во ЕУ, а ние само продолживме со ова клиничко испитување тие шест месеци и сумираните резултати и нашите клинички искуства кои ги имавме во тие пет институции каде што се спроведуваше, покажаа дека „Бекутан сензитив“ е безбедно и корисно средство за заштита на кожата кај новородените, вклучително и кај предвремено родените – додаде д-р Поп-Лазарова.

(Комерцијален текст)