Бизнисменот и екс градоначалник на Центар Владимир Тодоровиќ, Дејан Панделески и сопругот на пратеничката Фросина Ременски нема да сведочат во судскиот процес за „Рекет“.

Судијката Васка Николовска-Масевска денеска соопшти дека адвокатот на Бојан Јовановски, Сашко Дукоски поднел известување до судот дека ги повлекува овие три лица од листата на сведоци.

– Бојан Јовановски го знам од многу одамна пред повеќе од 15 години кога дојде да побара спонзорство за неговата прва манифестација. Искрено и јас сум имала корист од него. Луѓето кој ја следат неговата мода, посебно што наочари носи, доаѓале кај мене во дуќан и купувале ист модел, изјави сведокот Марија Јанковска која денеска сведочеше во случајот “Рекет.

Таа е сопственичка на оптичарки дуќан во Скопје.

– Заедно сме патувале со Бојан во Грција, Италија или Франција. Тој имал контакти со лица од модниот свет. Тие креатори се случувало на познати личности како Бојан да им дадат и облека која ќе биде актуелна во сезоната. Тоа сум го видела – изјави сведокот Јанковска.

Во „Рекет“ првообвинет е Бојан Јовановски за кривично дело примање награда за противзаконито влијание и за перење пари, а второобвинетата Катица Јанева за злоупотреба на службената положба.