Партискиот имот на ВМРО ДПМНЕ Белата палата и многу други седишта на партијата низ Македонија остануваат замрзнати, односно не смеат да се продаваат, но за разлика од претходно партијата може да ги издава под закуп, под кирија, но парите што ќе ги земаат ќе треба да ги земаат на посебна сметка и не смеат да ги користат.

Ова го одлучи судијката на денешното судење за предметот Талир 2, на предлог на јавната обвинителка Ленче Ристоска откако судењето за изградбата на седиштето почна од почеток.

Откако Кривичниот совет се прогласи за ненадлежен одлуката јасна донесе судијката Даниела Алексовска Стојановска која го води случајот.

Предметот застарува во август 2026 година, а обвинети е само поранешниот премиер Никола Груевски, откако на обвинетиот Кирил Божиновски со измените на Кривичниот законик му застаре делото.

Ристоска пред рочиштето кажа дека не се кандидирала на вториот оглас за Стразбур бидејќи беше поништен без образложение на владата.