Пратеникот од ВМРО-ДПМНЕ, Бојан Стојаноски, изјави дека Анкетната комисија е формирана со цел да ги разгледа трагедијата во Кочани, сообраќајните несреќи на „Дурмо турс“ и на „Беса транс“ како и пожарот во модуларната болница во Тетово, во кои загинаа 138 лица.

Тој во гостување во емисијата „Анализа“ на 24 телевизија, нагласи дека комисијата ќе има рок од 45 дена за работа, по што следуваат дополнителни 30 дена за подготовка и доставување на извештајот до надлежните институции.

Власта ја минира анкетната за Кочани, Собранието формира анкетна за четирите несреќи

Стојаноски истакна дека секое релевантно лице може да биде предложено и повикано на сослушување, отфрлајќи ги обвинувањата за опструкција или прикривање информации. Според него, приоритет ќе имаат сите случаи опфатени во одлуките, а динамиката на работа ќе биде усогласена меѓу сите пратенички групи.

Тој додаде дека, доколку е потребно, подготвени се да работат и по 24 часа, со цел процесот да биде целосен и темелен, а секој што сака да предложи сведок ќе ја има таа можност.