Владејачкото мнозинство не даде поддршка на иницијативата на опозицијата за формирање анкетна комисија за пожарот во дискотеката „Пулс“ во Кочани во која загинаа 63 млади и повеќе од 200 беа повредени. За иницијативата на СДСМ, Левица и на ДУИ гласаа 28 пратеници, додека мнозинството не гласаше. Со поддршка и од власта и од опозицијата, односно со 85 гласа „за“ помина иницијативата на мнозинството за формирање анкетна комисија за трагедијата во Кочани, сообраќајните несречи на „Дурмо турс“ и на „Беса транс“ како и пожарот во модуларната болница во Тетово. Комисјата ќе има 15 пратеници, а претседателот и заменик претседателот ќе бидат од опозицијата. Со ова власта го минира формирањето на анкетна комисија која требаше да ги расветли случувањата за трагедијата во Кочани и заклучоците да ги достави до Владата и до јавното обвинителство.

Пратеникот од ВМРО-ДПМНЕ Антонијо Милошоски во образложението за формирање на анкетната за четирите несреќи рече дека иницијативата е поддржана од 75 пратеници и ја повика опозицијата да им се приклучи за да се формира само една комисија.

-Иницијативата се поднесува заради сериозноста на последиците од трагедиите во Кочани, „Беса транс“во Бугарија, „модуларната болница“ и за „Дурмо турс“ кај Ласкарци. Целта е да се разгледуваат сите пропусти и сметам дека на овие трагедии кои ги платија недолжни луге заедничко им е нефункционалност на системот. Загубивме 138 човечки животи. Било кои наоди кои ќе се добијат од анкетната ќе бидат испратени до Владата и до јавносто обвинителство и ќе помогнат за политичка но и кривична одговорност. Предлагаме претседателот и заменикот да биадт избрани од опозицијата зашто тоа е правило кое треба да се почитува. Би напоменал дека со изгласување и формирње на анкетната комисија ние како пратеници ќе покажеме неселективност зашто нема трагедија која однела човечки животи а која е помалку важна. Сите четири трагични настани не треба да бидат селективно разгледувани туку како целина и со објективни согледувања да поправиме системски недостаоци кои се таложеле и довеле до вакви трагични резултати.Го повикувам и Филипче како претседател на СДСМ да даде поддршка за оваа анкетна која не исклучува ниеден трагичен настан и ќе ги разгледува сите- рече Милошоски.

Бобан Карапејовски од ЗНАМ рече дека станува збор за тешки теми, но дека пратениците се тука за да зборуваат и за такви теми.

– Овие теми треба да ја обединат нацијата и заклучоците треба да ни помогнат како понатаму за да не ни се повторуваат. Имам лична дилема дали треба анкетна комисијабидејќи е почнат судски процес, но општеството сака да зборува. Ние решивме да го прошириме опфатот освен за Кочани да се утврди политичка одговорност и за другите случаи каде и кој затаил – рече Карапејовски.

Координаторот на пратеничката група на СДСМ Оливер Спасовски ја образложи иницијативата на опозицијата за формирање анкетна комисија за трагедијата во Кочани.

-Анкетната за пожарот во дискотеката „Пулс“ со 64 загинати и околу 200 повредени е една од најтешките трагедии во Македонија во поновата историја и силата на човечката загуба на тера да делуваме обединето. Анкетната ја бараме зашто тоа е ставот на мнозинството граѓани во Македонија, а не само на семејствата на загинатите и на повредените. Комисијата треба да ја утврди хронологијата на настаните и сите околности и евентуални прекршувања од страна на институциите. Од исклучителна важност е да се утврди зошто и како се случи целиот настан. Немаме намера да водиме постапки кои ги води обвинителството и да судиме некого, но треба да се утврдат проппустите на системот и колку тие влијаеле за да се случи трагедијата, каде ние треба да постапуваме како Собрание, дали Собранието направило пропусти при промена на законски регулативи и да се изготват извештаи до надлежните институции кои можат да постапуваат. Трагедијата во Кочани не засега сите нас без зависност од политичка и етничка припадноси и било каква друга определба. Граѓаните очекуваат да покажеме дека овие моменти треба да бидат за обединување, а не раслојување и да не покажеме дополнителни разочарувања не само кај семејството туку и кај македонската јавност. Граѓаните бараат единство за суштински прашања во државата, а едно од нив е и ова – рече Спасовски.

Тој додаде дека иницијативата поднесена од СДСМ, Левица и од Европскиот фронт не може да биде помалку вредна оти за неа има 31 потпис од таа на власта и побара сите пратеници да ја поддржат.
На почетокот на седницата пратеникот и заменик-координатор на пратеничката група на ВМРО-ДПМНЕ Бојан Стојаноски побара од колегите пратеници од опозицијата да се постигне договор да има една анкетна комисија за несреќата во Коачни, но и за случаите „Модуларна болница“, „Дурмо турс“ и „Ласкарци“.

-Сметам дека треба да бидеме особено внимателни, бидејќи за една од тие трагедија се води судски процес и тоа практично ќе значи дека ние како орган, како пратеници, треба да внимаваме и на нашиот дигнитет и соодветно на тоа да ги опфатиме сите оние трагедии кои што се случуваат за да им дадеме на граѓаните тоа што го бараат, а тоа е правда и конечен одговор на прашањето кој е виновен затоа што тоа репетитивно се случува во нашата држава – рече Стојаноски.

Стојаноски побара да се смени терминот на седницата на Постојаната анкетна комисија за заштита на правата на граѓаните, чиј претседател е Димитар Апасиев, и на која на дневен е претставката на родители и блиски на загинатите во пожарот во дискотеката „Пулс“ во Кочани. Седницата е закажана на 9-ти декември, кога почнува пленарната седница на која на дневен ред е Предлог-Буџетот за 2026 година. Стојаноски образложи дека на седницата на Постојната анкетна комисија во тој случај би можеле да присуствуваат повеќе пратеници, но и Премиерот лично.

Лидерот на СДСМ Венко Филипче на прес конференција во Собранието рече дека ќе ги поддржат двете анкетни комисии.

-Мора да се слушне гласот во Собранието на луѓето чиишто ова практично е дом. Тоа се сите граѓани во конкретниот случај родителите на загинатите и повредените деца коишто ова го бараат од нас. Очекувам од сите пратеници да ја поддржат анкетната комисија за несреќата во Кочани како што сите ние ќе ја поддржиме и таа друга анкетна комисија којашто тие ја предлагаат – рече Филипче