Портпаролот на ВМРО-ДПМНЕ Наум Стоилковски вели дека уште еден затвореник избегал од затворот Скопје во Шуто Оризари.

Пред два дена од затворот каде директор е Филип Андов Сокол, избегал Ариф Алили од Кичево. И Алили, најновиот бегалец од затворот под окото на Сокол, како и бегалецот од пред две недели бил дел од таканареченото „слободно одделение“. Ариф е еден од двајцата браќа Алили добро познати на кичевската јавност, уапсен во септември 2020, бил осуден на три години, по опсежна акција за апсење на наркодилери, а од затворот Шутка бега на пет месеци пред истек на казната, обвинува Стоилковски.

Додаде дека ова повеќе не е случајност, туку системски, ако не и намерни пропусти. Побара оставки и одговорност од директорот на затворот во Шуто Оризари и министерот за правда Никола Тупанчевски.