– Скопјанката Андријана Скерлев Чакар, негува непретенциозен, но совршен стил. Убава е, образована е, правник по професија, доктор на науки, елоквентна, професионална и праведна. Кога ќе ја сретнете на работно место, на спортски натпревар, во кафеана, во театар, на аеродром, на кафе со сестра ѝ и мајка ѝ, на прошетка со сопругот или на хуманитарни настани, впечатокот е ист. Кај неа се е на место, а нејзиниот стил е секогаш компатибилен со пригодата на која присуствува. Но, нејзината умешност е во тоа што знае да искомбинира уникатно парче со нешто што одамна било во нејзиниот ормар, или пак со дел од гардероба кој можеби го имаат илјадници други. Но, таа тој детал го прави да биде само нејзин. Веднаш се забележува дека таа ја „носи” облеката, не таа нејзе. Секогаш е со средена коса, дискретна шминка и негувана кожа. И што е најважно, што и да има на себе, чекори гордо и достоинствено. Вистинско уживање за секое око, вели новинарката Соња Алексоска-Неделковска.