Станковски: Беше тежок натпревар, се надевавме на позитивен резултат по мечот со Данска
Најдобрите македонски фудбалери не ја остварија целта да обезбедат пласман на Светското првенство 2026 по високиот пораз од 4:0 во Копенхаген во полуфиналето од плејофот.
Препорачано
Избраниците на селекторот Гоце Седлоски по таа елиминација одиграа пријателски натпревар во Даблин против Република Ирска без голови (0:0) на стадионот „Авива“.
Минутажа на контролниот меч против Ирците доби и Лука Станковски кој настапи од 60 минута како замена за Дарко Чурлинов.
– Беше тежок натпревар, дадовме сè од себе. Се надевавме на позитивен резултат после дуелот со Данска. Но, таков е фудбалот, некогаш ќе победиме, некогаш ќе загубиме, некогаш ќе биде реми. Наше е да го даваме максимумот за националниот дрес. Имавме две-три полу шанси, се надевав дека ќе постигнеме гол. Кога добив шанса, влегов во игра со иницијатива да победиме, но како што кажав, таков е фудбалот. Се надеваме на позитивни резултати во следните мечеви – рече Станковски.
