Среќен роденден: Премиерот Заев денес полни 45 години
Претседателот на Владата на Македонија, Зоран Заев, денес го прославува својот 45. роденден. Тој е роден на 8 октомври 1974 година во Струмица, во земјоделско и традиционално семејство.
Во 1997 година, Заев дипломирал на Економскиот факултет на скопскиот Универзитет „Св. Кирил и Методиј“ каде што продолжил со постдипломски студии по монетарна економија и финансии.
Зоран Заев е член на Социјалдемократскиот сојуз на Македонија (СДСМ) од 1996 година, а од 2003 до 2005 година е пратеник во Собранието на Македонија.
Во 2005 година, Заев стана градоначалник на градот Струмица, а од 2013 година е прв човек на СДСМ. По победата на парламентарните избори во 2016 година, тој е предводник на Владата на земјава.
Премиерот Заев, заедно со неговиот грчки колега Алексис Ципрас, во 2019 година ја доби и официјалната номинација за Нобеловата награда за мир поради постигнувањето на Договорот од Преспа, со кој нашата земја беше преименувана во Северна Македонија.