Во женска конкуренција нов медал за македонското теквондо донесе Мила Рељиќ сега од Г1 турнирот што се одржува во Луксембург.

Нашата натпреварувачка во категоријата -67 кг., успеа да дојде до среброто по учинок од три победи и еден пораз.

Во првата борба Рељиќ со 2:0 ја совлада Германката Гифер Изабел, со истиот резултат во втората борба триумфираше и над Фабер Изабел од Луксембург.

Македонската теквондистка во полуфиналната фаза беше подобра од Ебнуталиб Сумаја од Германија (2:0).

И во финалниот меч за златото, Рељиќ загуби со 2:0 против Бразилката Санди Маседо.

Одличен настап имаше и Анамарија Георгиевска со победа и пораз во борба за медал.

Претходно медал од овој турнир донесе и Филип Блажевски, членот на ТК Бутел, во категоријата -80 кг.

Теквондистот Филип Блажевски со четири победи до златото на Г1 турнирот во Луксембург