Спа, велнес и фитнес индустријата не можејки да ги следи светските, европските, па и балканските искуства, е на работ на банкрот. Оваа индустрија е оставена сама да се снаоѓа, со мерки и протоколи кои се општи и кои не се однесуваат на нејзината специфична секојдневна работа, а кои се истовремено и контрадикторни и неразбирливи. Од друга страна, и помошта на државата е минимална.

Ова, за „Слободен печат“ го изјави  Александар Мендов, претседател на Спа и велнес асоцијацијата на Македонија кој оценува дека овој сектор сега се соочува со најголемата криза од неговото постоење.

-Освен за време на последното затворање на хотелите и фитнес центрите кога беа исплатени минимални 14.000 денари за плати, други мерки не беа превземени. Користејки ги искуствата од нашето опкружување, европските и светски искуства, СВАМ како претставник на спа, велнес и фитнес фелата во Македонија има предложено низа мерки за кои надлежните институции треба да се произнесат – вели Мендов.