Третата поетска книга „Полиграф“ на Пијан Славеј (Бранислав Николов), музички перформер, автор и пејач во групата „Фолтин“, се одржа во рамките на 10. издание на Интернационалниот литературен фестивал „Про-За Балкан“ во форма на музички перформанс во кафе-книжарницата „Буква“, на кој настапи заедно со Гоце Јованоски (бас).

Како дел од групата „Фолтин“, зад себе има девет студиски изданија, музика за преку триесет театарски претстави и неколку филмови, меѓу кои, кандидатот за наградата „Оскар“, документарниот филм „Медена земја“.

Надвор од работата во групата, Пијан Славеј одржал концерт со Македонската филхармонија, настапува како кантавтор и објавил две поетски збирки – „Креветизам и хоризонтала“ (2018) и „Срчки“ (2020).

(Текстот е објавен во „Културен печат“ број 147, во печатеното издание на весникот „Слободен печат“ на 24-25 септември 2022)