Словенецот Погачар сензационален победник на Тур де Франс
Тадеј Погачар, 22-годишниот словенечки велосипедист триумфира на 107. издание на најпопуларната трка Тур де Франс
Погачар кој вози за тимот на УАЕ, на претпоследната 20. етапа успеа да го надополни заостанувањето од речиси една минута во однос на првопласираниот сонародник, Примож Роглич.
Во последната етапа која се вози утре, и е ревијална, младиот велосипедист ќе биде прогласен за шампион и ќе стане најмлад победник во историјата на Тур де Франс.
?? @rogla has lost the Yellow Jersey to countryman @TamauPogi.
An incredible stage would be an understatement!
?? @rogla perd son maillot et le cède à ?? @TamauPogi.
Une dernière étape inimaginable ! #TDF2020 pic.twitter.com/3AWuopMSfJ— Tour de France™ (@LeTour) September 19, 2020
Примож Роглич беше голем фаворит за триумф, на 19. етапа на која се возеше хронометар во должина од 36.2 километри, имаше 57 секунди предност во однос на Погачар и требаше да се случи чудо за да ја загуби жолтата маичка.
Respect ?@rogla ?? @TamauPogi #TDF2020 pic.twitter.com/mLLljZ0b9F
— Tour de France™ (@LeTour) September 19, 2020
На крајот чудо и се случи, Погачар неверојатно добро го извозе хронометарот (55:55), додека Роглич заврши на петтото место со заостаток од дуру 1.56 минути.
Во генералниот пласман, Погачар има 59 секунди предност во однос на Роглич и 3.30 минути во однос на третопласираниот Ричи Порт.
Тур де Франс традиционално се завршува со ревијална трка низ Елисејските полиња по која Погачар кој за два дена ќе наполни 22 години, ќе вози со жолтата маичка, а по неа ќе го крене и шампионскиот пехар.
