Зборот „slop“ (отпад) – нешто што е неуредно, бесмислено и насекаде присутно на интернет – е прогласен за збор на годината 2025 од речникот „Мериам-Вебстер“ (Merriam-Webster), пренесува „Еј-би-си“.

Речникот го дефинира терминот како: „дигитална содржина со низок квалитет која обично се произведува во големи количини со помош на вештачка интелигенција.“

Според Мериам-Вебстер, зборот „слоп“ потекнува од 1700-тите години кога значел „кал“, а подоцна во 1800-тите се користел за „отпадоци од храна“, за да на крајот добие значење „ѓубре“ или „производ со мала или никаква вредност“ во разговорниот јазик.

„Навалата на ‘слоп’ во 2025 година вклучуваше апсурдни видеа, искривени реклами, кичести пропаганди, лажни вести кои изгледаат прилично реално, книги напишани од вештачка интелигенција со низок квалитет, извештаи кои го трошеа времето на колегите… и многу генерирани мачки што зборуваат“, пишува Мериам-Вебстер. „Луѓето го сметаа за досадно, но сепак го консумираа.“

Други кандидати за збор на годината 2025 беа: „gerrymander“, „touch grass“, „performative“, „tariff“, „six seven“, „conclave“ и „Lake Char­gog­ga­gogg­man­chaug­ga­gogg­chau­bu­na­gun­ga­maugg“, вистинско езеро во Вебстер, Масачусетс, познато и како Webster Lake.

За споредба, збор на годината 2024 беше „поларизација“ – поделба (на општеството) на спротивставени страни.

Речникот на Оксфорд оваа година го избра „рејџ бејт“, Кембриџ го избра зборот „парасоцијален“, додека Dictionary.com го избра мимот „67“ за збор на годината.

Оксфорд го прогласи изразот „rage bait“ за збор на годината

Кембриџ го избра зборот на годината за 2025 – „парасоцијален“