Екипа на „Слободен печат“ денеска тргна на пат од Скопје до Солун, со цел да провериме дали, поради коронавирусот, се преземени некакви посебни мерки на граничниот премин Богородица и ако има, кои се тие.

На граница поминавме релативно брзо, дури и побрзо од вообичаено. Ниту на македонската, ниту на грчката граница немаше гужва, а единствена мерка што вработените ја користеа како заштита против коронавирусот беа ракавиците кои ги носеа.

Ракавици носеа и вработените на патарините низ Македонија, но други мерки, како пополнување прашалници, немаше.

Во Македонија засега има еден потврден случај на коронавирус, додека во Грција има три случаи.

Владата на Македонија се очекува да препорача да се откажат сите јавни настани и собири. Досега откажани се струмичкиот карневал и карневалот за Прочка во Прилеп.