Староновиот градоначалникот на Општина Гази Баба, Бобан Стефковски, во првиот работен ден по победата на локалните избори информираше дека во првата половина од следната година ќе се урнат бараките од постоечката амбуланта во Автокоманда, а на тоа место ќе се изгради нов модерен објект.

„Среќен сум што уште на првиот ден од вториот мандат започнуваме постапка за реализација на едно од клучните барања на жителите од Автокоманда – нова, модерна и функционална амбуланта! Денес, заедно со Министерот за здравство Азир Алиу, потпишавме договор за соработка помеѓу Општина Гази Баба и Министерството за здравство, со кој јасно се дефинираат обврските на двете институции“, истакна Стефковски.

Градоначалникот посочи дека со овој договор го трасираат патот кон нова амбуланта во Автокоманда, со што старите бараки ќе заминат во историјата, а предвидено е градежните активности дазапочнат во првата половина од следната година.