Синот на еден холивудски пар обожава фустани: Ги учиме децата да бидат тоа што се! (ФОТО)
Актерката Меган Фокс (33) уште во септември минатата година откри дека нејзиниот син Ноа Шенон (7) понекогаш носи фустани во училиште, а поради тоа некои деца се шегуваат со него.
– Тој дизајнира, црта модни креации и многу е талентиран, а има само 7 години. Ја обожава модата, понекогаш сам се облекува во фустани и сака да ги носи, но само понекогаш. Го запишав во многу либерално училиште, но дури и тука во Калифронија има дечиња кои го задеваат и му велат дека не би требал да носи фустани или розева боја – вели Меган.
Да потсетиме, една од најсексапилните жени во Холивуд има три сина со сопругот Брајан Остин Грин (46), а честопати истакнува дека сите тројца ги воспитува да имаат полна самодоверба и сами да го изберат својот пат.
Меган секогаш истакнува дека своите синови ги одгледува многу либерално и ги учи да бидат тоа што се, без оглед на коментарите на околината. Папараците неодамна го фотографираа Ноа Шенон како со неговиот татко оди на детски роденден во Калифорнија, а малечкиот носел фустан во стил на принцезата Елза. Брајан Остин, таткото на децата на Меган пред две години во интервју изјави: „Навистина сметам дека на негова возраст најбитно е да се забавува. Тој не штети на никој доколку носи фустан. Па, доколку сака да носи фустан, одлично. Може да носи!“