Музичари, професионални спортисти, менаџери и политичари се забавуваа во познатиот ноќен клуб – богатите и славните беа во „Џет сет“ во Доминиканската Република кога се урна покривот во вторникот вечерта. Бројот на загинати се зголеми на 184.

Меѓу жртвите се и Едуардо Гуварионекс Естреља Круз, син на министерот за јавни работи и врски Едуардо Естреља и неговата сопруга Александра Грулон, која е и сестра на познат менаџер на фондови, пишува Диарио Либре.

Тие биле со пријатели кобната ноќ, кога се случила катастрофата.

Во урнатините загинаа и поранешните бејзбол-играчи Октавио Дотел и Тони Бланко, кои играа во американската бејзбол лига (MLB).

Претседателот Луис Абинадер прогласи тридневна жалост. Во средата на местото на трагедијата продолжи потрагата по дополнителни потенцијални жртви.

Меѓу жртвите има истакнати јавни личности, меѓу кои и пејачот Рубио Перез, саксофонистот Луис Солис, како и неколку владини претставници и странски државјани.

Причината за уривањето на покривот сè уште не е позната.