Романската тенисерка Симона Халеп изјави дека ако Судот за спортска арбитража не ја прифати нејзината жалба, тоа веројатно ќе биде крај на неговата кариера.

Во септември Меѓународната агенција за интегритет на тенисот ја суспендираше двојната грен-слем шампионка на четири години поради кршење на антидопинг правилата.

„Четири години е долг период за тенисерка во моите години. Не знам како тоа би го поднела. Веројатно таа суспензија ќе биде крај на мојата кариера“, изјави 32-годишната тенисерка.

Халеп прво беше позитивна на забранета супстанца на минатогодишниот УС Опен, а потоа во мај и обвинета за неправилности во нејзиниот биолошки пасош. Ако суспензијата биде потврдена таа ќе важи до 6. октомври 2026 година.

Судот за спортска арбитража за нејзината жалба ќе одлучува на почетокот на февруари.