Ига Швјонтек обезбеди пласман во третото коло на Ролан Гарос, откако во Париз славеше над Сара Бејлек со 6:2, 6:3 и дополнително го подобри својот импресивен биланс на гренслемот на париската земјена подлога.

Полската тенисерка, која четирипати го освојуваше трофејот на Ролан Гарос, сега има учинок од 42 победи и само три порази на овој турнир. Швјонтек титулите ги освои во 2020, 2022, 2023 и 2024 година, со што уште еднаш потврди дека е една од главните фаворитки за нов триумф во Париз.

Во женска конкуренција пласман понатаму избори и Белинда Бенчиќ. Единаесеттата носителка убедливо ја совлада Американката Кејти Мекнали со 6:4, 6:0, во меч што се играше во тешки временски услови и високи температури во француската престолнина.

Подоцна денеска на теренот ќе се појави и Новак Ѓоковиќ, кој ќе се соочи со францускиот тенисер Валентин Роаје, моментално 74. играч на АТП-листата.

Во вечерниот термин на теренот „Филип Шатрие“, вториот носител Александар Зверев ќе игра против чешкиот тенисер Томаш Махач.