Шведската стратегија за борбата против коронавирусот наиде на нови критики, откако мејлови покажале дека главниот епидемиолог во оваа земја, Андерс Тегнел, прашал дали поголема смртност помеѓу повозрасните лица би била поприфатлива ако тоа доведува до побрзо стекнување на колективен имунитет. 

Претпоставките за ставовите на главните шведските експерти за јавно здравје дополнително се интензивираа откако се покажа дека Тегнел, архитект за стратегија во борбата против Ковид-19 избришал некои од своите мејлови.

Тегнел повеќепати повтори дека целта на Владата не е развивање на имунитет на населението, туку забавување на ширењето на вирусот за здравствениот систем да може ефикасно да се бори со пандемијата, пишува „Гардијан“.

Меѓутоа, мејловите до кои дојдоа шведски новинари со помош на Законот за право на пристап на информации, покажуваат дека Тегнел за колективен имунитет зборувал уште од март, неколку дена откако СЗО прогласи светска пандемија со коронавирусот.

Во еден разговор Тегнел на својот колега Мика Салминен и директор на Шведската национална здравствена организација (ФХМ), му проследил мејл од пензиониран лекар, кој сугерира дека против пандемијата би можело да се бори така што на здрави луѓе во контролирани услови треба да им се дозволи намерно да се заразат со вирусот.

– Училиштата треба да останат отворени за да се стекне имунитет побргу – пишал Тегнел.
Салминен одговорил дека Финската агенција за здравство го разгледала предлогот, но дека се откажала од тоа поради страв од ширење на инфекцијата меѓу децата.

Тегнел во повеќе ситуации тврдеше дека децата најчесто имаат поблаги симптоми на вирусот, односно дека не го шират во голема мерка.

Шведска потоа ги затвори училиштата за ученици постари од 16 години, но ги отвори за сите помлади ученици, односно инсистираше на класична настава. Сите семејства кои ги оставија децата дома се пријавени во социјалните служби и изречена им е казна.

Шведска исто така забрани собири на повеќе од 50 лица, но побара од луѓето и дома и на работа да држат дистанца, односно да работат од дома кога тоа е возможно.

Трговските центри, кафулињата, рестораните и тееретаните останаа отворени.

Во мејловите е откриено дека Тенгел замолил еден од своите претходници, Јохан Гиесецко, да изготви модел кој би покажал што би можело да се случи кога вирусот би се пуштил слободно во општеството.

Некои медиуми пишуваат дека Тегнел бришел мејлови од перидот од јануари до април.

Иако шведскиот модел беше критизиран од многу експерти, Тегнел тврди дека овој модел е добра подготовка за другиот бран на епидемијата.

Бројот на заразени во Шведска е во стабилен пад од јуни. Земјата забележа 84.294 случаи на зараза со коронавирусот и 5.783 смртни случаи.

Па иако бројот на починати на милион жители во Шведска е поголем од другите земји, сепак е помал од оние кои воведоа карантин, како Шпанија, Италија и Велика Британија.

Властите проценија дека 40 отсто од жителите на Стокхолм до мај се заразиле со Ковид-19, меѓутоа истражувањата покажуваат дека нема ништо од стекнување на имунитет.

Италија и Шведска имаа целосно различни пристапи, а сега се мирни: Вирусот го држат под контрола додека светот и натаму се бори

Шведска е далеку од колективен имунитет