Швајцарија мора да направи повеќе за да ги заштити децата од опасностите од социјалните медиуми, изјави денеска министерката за внатрешни работи на земјата, Елизабет Баум-Шнајдер, истакнувајќи дека е отворена за можна забрана на платформите за помлади возрасти.

По неодамнешната забрана во Австралија за користење на социјалните медиуми од страна на лица под 16 години, швајцарската министерка изјави за весникот „ЗонтагсБлик“ дека нејзината земја треба да разгледа слични мерки.

„Јавната дебата во Австралија и ЕУ е важна. Треба да се одржи и во Швајцарија. Јас сум отворена за забрана на социјалните медиуми“, рече Шнајдер, член на централнолевичарските социјалдемократи. „Треба подобро да ги заштитиме нашите деца“.

Според неа, властите треба да размислат што точно треба да се ограничи, наведувајќи опции како што се забрана за користење на социјалните медиуми за деца, контрола на опасна содржина и управување со алгоритми што ја експлоатираат чувствителноста на младите луѓе.

Деталните дискусии ќе започнат во новата година, врз основа на извештај за ова прашање, рече министерот за внатрешни работи, додавајќи:

„Не смееме да ги заборавиме самите платформи на социјалните медиуми: тие мора да преземат одговорност за тоа што децата и младите „конзумираат“.

Забраната во Австралија беше ентузијастички пречекана од многу родители и организации за заштита на децата, но беше критикувана од технолошките гиганти и застапниците за слобода на говорот.

Порано овој месец, парламентот на швајцарскиот кантон Фрибург гласаше за забрана за користење мобилни телефони на децата во училиште до 15-годишна возраст.

Тинејџерите во Австралија тагуваат поради губењето на пристапот до социјалните медиуми: Дојде крајот