Полскиот напаѓач Роберт Левандовски игра одлично во дресот на Барселона и постигнува голови, меѓутоа таа форма не успева да ја пренесе во дресот на репрезентацијата на Полска.

Во репрезентацијата на Полска Левандовски е во сериозна криза, а покрај тоа ги критикуваше соиграчите и селекторот, па затоа веројатно и вчерашниот натпревар против Хрватска го започна од клупата за резерви.

И бројките на Левандовски во дресот на Полска се навистина поразителни во актуелната 2024 година постигна само два гола и тоа двата се од пенал на Европското првенство против Шкотска и Франција.

Последниот гол Левандовски од игра за Полска го постигна на 21 ноември 2023 година и тоа во пријателски натпревар против Летонија. Од тој натпревар поминати се 330 дена во кои Левандовски одигра десет натпревари и на теренот помина 685 минути, нон е успеал од игра да ја затресе мрежата.

Во каква форма игра зборува и податокот дека во последните три натпревари, два со Хрватска и еден против Португалија, Левандовски не упатил ниту еден удар во рамките од противничкиот гол.