Се сеќавате на Никол Ричи, ќерќата на познатиот Лионел Ричи? Заедно со Парис Хилтон, Ники дебутираше во реалното шоу „The Social Life“, за кое слободно може да кажеме дека е архитект на целата „ера на Кардашијанс“. Додека траеше ова шоу, Ники беше константна мета на таблоидите, и може да се каже дека уживаше во целото внимание од медиумите.

Пред неколку дена, Никол Ричи се појави на настанот „The Wrap – empowering women“, а друштво и правеа и други познати жени, како Ева Лонгорија и Софија Буш.

Токму на овој настан, Ники најави дека се враќа на сцената, но со сосема нов, неочекуван проект: Ќе издаде рап албум! Но, она што уште по импресивно е дека Ники е супер-амбициозна, па ќе проба да генерира нов тип на рап, и тоа „Самосвесен рап“, односно како што го најави самата таа, Conscious Rap!

Ники откри дека преку овој проект ќе го престави нејзиното вистинско алтер-его Nicky Fre$h! Целта на овој нов рап-проект е да ја подигне свесноста за консумирање на здрава храна, како и да поттикне повеќе луѓе да растат органски овошја, зеленчуци и салати во сопствени градини.

„Ова е самосвесен рап. Ако се прашувате што е тоа, станува збор за нов жанр на рап. Јас го измислив“, додала Никол Ричи смеејќи се.