Ако сте забележале дека низ нашите градови има сè повеќе „сјајни глави“, не сте далеку од вистината. Најновите податоци објавени од релевантниот статистички центар „Ворлд популејшн ривју“ (World Population Review), откриваат дека Европа е апсолутен лидер кога станува збор за машката ќелавост.
Според истражувањето, Шпанија официјално го зазеде првото место во светот, каде речиси секој втор маж (44.5%) се соочува со губење на косата.

Глобално рангирање на машката ќелавост по земји:

1. Шпанија
2. Италија
3. Франција
4. САД
5. Германија
6. Обединето Кралство
7. Канада
8. Австралија
9. Мексико
10. Русија

Иако Македонија не е секогаш во фокусот на секое поединечно истражување, податоците на „Медихеир“ (Medihair) и сродните платформи за Балканот покажуваат дека нашиот регион е во „високата зона“. Имено, Македонија, заедно со Грција и Чешка, спаѓа во групата на земји каде над 40% од мажите се соочуваат со овој проблем. Ова нѐ става многу блиску до самиот светски врв, што е карактеристично за медитеранските и балканските народи.

Како што пишува во извештајот на „Медихеир“, главните причини се комбинација од генетиката специфична за кавкаската раса и фактот што европските нации имаат постаро население. Истражувачите забележуваат дека колку е поблиску една нација до Медитеранот, толку се поголеми шансите за машка ќелавост.

ФОТО | Боби Кузманоски цела година го фотографирал Сонцето и создаде фасцинантна сончева аналема над Скопје