На почетокот на овој месец, водителката Елен Деџенерис (63) објави дека нејзиното ток-шоу ќе заврши во 2022 година по неверојатни 19 сезони, затоа што нејзината емисија „повеќе не ѝ претставува предизвик“. Наместо тоа, терминот на програмата ќе му биде отстапен на „Шоуто Кели Кларксон“, што во моментов е во својата втора сезона.

Трејси Вилсон, извршен потпретседател на студијата NBCUniversal Syndication, изјави: „Кели и целиот наш продуцентски тим ги вложија своите срца и неверојатна страст да направат шоу што ќе им се допадне на луѓе од сите возрасти, култури и потекла“.

39-годишната Кларксон која победи на првата сезона на „Американски идол“ во 2002 година, продолжи да продуцира хитови како што се „Stronger“, „Miss Independent“ и „Since U Been Gone“, а неодамна, таа го започна „Шоуто на Кели Кларксон“, едночасовна програма во која учествуваат славни гости.

Програмата дебитираше со силен рејтинг во 2019 година.

Заминувањето на Деџенерис следеше по намалувањето на рејтингот на шоуто и обвинувањата од некои членови на персоналот дека зад сцената преовладува токсична работна средина. Откако тројца постари продуценти на шоуто ги загубија своите работни места, Деџенерис да ја отвори тековната сезона со извинување.