Шокантни детали од убиство во Албанија: Брат уби брат и внук поради петел кој му ги вознемирувал кокошките
Шокантен е настанот кој пред неколку дена се случи во Мат, Албанија, каде животот го загубија 3 члена на едно семејство.
Но, уште пошокантен е фактот дека сè започнало од еден конфликт од пред девет години за еден петел.
Петелот бил на Кујтим и ги вознемирувал кокошките на Сали. Тие дури за таа работа биле на суд, јавува Индексонлајн.
Настанот се случил во село во Клос, а полициски извори изјавија дека двајцата браќа првин физички се пресметале, но расправијата ескалирала со употреба на оружје.
Според полицијата првично Сали Дакуци со огнено оружје пукал кон неговиот брат Кујтим и внукот Флогет, кои пак им подлегнале на раните, а убиецот се самоубил во неговиот стан. Двајцата браќа биле на 51 и 52-годишна возраст.