Шок за фаворитите во Мелбурн: Елиминирани Ига Швјонтек и Каспер Руд
Нови големи изненадувања на грен слем турнирот „Австралија опен“, 11 носител Каспер Руд од Норвешка загуби од британскиот тенисер Камерон Нори.
Нори поведе со 1:0 во сетови откако го доби првиот со 6:4, потоа израмни Руд откако во вториот беше подобар во тај-брејкот со 9:7.
Во следните два сета доминираше Нори освојувајќи ги со 6:4 и 6:3. Следен противник на Нориќе биде подобриот од мечот меѓу шестиот носител Александер Зверев и Алекс Микелсен.
Елиминација доживеа и 13 носител Григор Димитров од Бугарија кој загуби од Португалецот Нуно Боргес со 7:6 (3), 4:6, 2:6, 6:7 (6).
Пласман во осминафиналето обезбеди и третиот носител Данил Медведев кој со 3:0 во сетови 6:3, 6:4 и 6:3 го совлада Канаѓанецот Феликс Оже-Алијасим.
Во женска конкуренција настапот во Мелбурн го заврши првата носителка Ига Швјонтек. Полската тенисерка иако беше подобра во првиот сет со 6:3, нејзината противничка Линда Носкова од Чешка ги освои следните два сета со 6:3 и 6:4.
За пласман во четвртфиналето Носкова (50. ВТА) ќе игра против победничката од дуелот Елина Свитолина – Викторија Голубиќ.