Шкендија официјално потврди дека Јетон Беќири повеќе нема да биде тренер на тетовскиот состав, откако двете страни решија да не ја продолжат соработката по завршувањето на сезоната 2025/26.

Од клубот информираа дека договорот на Беќири истекува по крајот на актуелната сезона, а по одржаните разговори било донесено заедничко решение тој да замине од кормилото на „црвено-црните“.

Беќири ја презеде Шкендија во јануари 2024 година и за релативно краток период успеа да остави силен белег во клубот. Под негово водство тетовци ја освоија шампионската титула во сезоната 2024/25, а беа испишани и најуспешните европски страници во историјата на клубот.

Шкендија обезбеди пласман во лигашката фаза од Конференциската лига, а потоа стигна и до плеј-офот, што e најголем успех на тетовскиот клуб на меѓународната сцена.

Од таборот на Шкендија упатија благодарност до Беќири за неговиот професионализам и ангажман, посакувајќи му многу успех во понатамошната тренерска кариера.

ФК Вардар му се заблагодари на Седлоски кој ќе ѝ се посвети на „А“ репрезентацијата