Шилегов демантира: Мевљудин Алити нема платено легализација (ВИДЕО)
Градоначалникот на Град Скопје денеска ги отфрли тврдењата на инвеститорот на дивоградбата кај Мавровка, Мевљудин Алити, дека се платени комуналии и дека објектот е легален.
Препорачано
-
1
-
2
-
3
– Ако платил комуналии тогаш објектот е легален, ама нема платено. Не знам дали платил надоместок за приватизација на земјиштето, што е главниот проблем, бидејќи ако е така, продажбата се одвивала во организација на централната власт, а во тој случај 80 проценти од средствата од продажбата одат кај централната власт. Мене ми е криво што дојде до изградба на ваков објект, но ова нека биде пример за сите кои сакаат да профитираат на сметка на легалните инвеститори, кои плаќаат данок кон државата, рече денеска Шилегов.
На новинарско прашање зошто државата, а не Градот, го руши објектот, тој рече дека Градот нема ингеренции.
– Град Скопје нема ингеренции да го изврши рушењето на објектот кај Мавровка, затоа денеска Владата го врши рушењето, може би било добро во иднина овие ингеренции да се префрлат на Град Скопје, истакна скопскиот градоначалник.
Тој потсети дека претходно со 5.000 евра бил казнет инвеститорот на објектот.
Проследете ја целосната изјава на Петре Шилегов:
