Австрискиот мултимилијардер Ричард Лугнер (91) во саботата по шести пат вплови во брачните води.

„Не сум нервозен, станав цврст по тоа прашање“, рекол тој во пресрет на венчавката со 42-годишната Симоне Рајландер. Парот се сврши во октомври минатата година, но потоа прекина во декември. Потоа се смирија и се венчаа пред матичар, додека црковната венчавка се најавува за неколку месеци, наесен.

Првата брачна ноќ ја поминале во луксузен виенски хотел, а некогашниот милијардер откри дека не планираат да одат на меден месец.

– Симоне планира големи работи во градината, таа нема време за одмор, вредна е како пчела – изјавил Лугнер.

Претходно Лугнер изјави дека не му се допаѓа да биде сам, па затоа и повторно се ожени. Тој има 4 деца од претходните врски, а неговиот најстар син е роден во 1963 година и би можел да ѝ биде татко на Симоне.

– Тоа ќе биде мојот последен брак – рекол богаташот пред венчавката.

Пред бракот со Симоне, Ричард беше во брак со зајачицата на „Плејбој“, Кети Шмиц, која беше 57 години помлада од него и со која беше во брак до 2014 година. Неговиот прв брак со Кристинa Гмајнер траеше од 1961 до 1978 година, а потоа од 1979 до 1983 година беше во брак со Корнелија Лауферсвaјлер, на која секој ден ѝ испраќал букети цвеќе на работа.

Неговата трета сопруга Сузан Дитрих почина на само 34 години поради компликации кои настанале по естетска операција на носот, а со својата четврта сопруга Кристин Лугнер беше во брак од 1991 до 2007 година.