Иранската револуционерна гарда објави дека шефот на разузнавачката служба на ИРГЦ, Маџид Хадеми, е убиен во напад за кој ги обвинува САД и Израел, објави Би-би-си.

„Генерал-мајор Маџид Хадеми, моќниот и образован шеф на разузнавачката организација на Корпусот на Исламската револуционерна гарда, беше убиен во терористички напад од страна на американскиот ционистички непријател, се вели во соопштението, според Тасним.

ИРГЦ соопшти дека Хадеми за време на речиси половина век искрена и храбра заштита на Исламската револуција, системот и татковината, тој дал голем, траен и поучен придонес во областите на разузнавањето и безбедноста, што може да послужи како водич за разузнавачката заедница на земјата во годините што доаѓаат, особено во соочувањето со странските непријатели на стратешко ниво и нивните злобни планови за инфилтрирање и дестабилизација на безбедноста и мирот на Иран.

Иранските државни медиуми потврдија дека Хадеми повеќе не е жив, но засега не објавија конкретни информации за тоа како точно дошло до неговата смрт.