Кошаркарите на Фенербахче денеска го победија Жалгирис Каунас со 90:94 (20:25, 22:22, 20:14, 18:19, 10:14) во четвртиот натпревар од плејофот и се квалификуваа за Фајналфорот на Евролигата.

Со оваа победа, Фенербахче се квалификуваше за осмиот Фајналфор на Евролигата во историјата на клубот и таму ќе игра против грчкиот Олимпијакос, кој исто така ја доби серијата со 3:1 против израелскиот Хапоел Тел Авив.

За турскиот клуб доминираше Бирч со дабл-дабл учинок од 21 поен и 13 скокови, а кај Литванците Франсиско исто така запиша дабл-дабл од 23 поени и 11 асистенции.

Валенсија се избори за „мајсторка“ откако на гости во Атина триумфираше над Панатинаикос со 89:86.

За шпанската екипа доминираше Монтеро со 29 поени, запиша и по седум скокови и асистенции.

На спротивната страна за грчкиот претставник прв стрелец беше Осман со 26 поени. Во редовите на Панатинаикос македонскиот репрезентативец Ти Џеј Шортс забележа само три поени за 06:47 минути на паркетот.