Во текот на целата година наставата во училиштата ќе се одвива со физичко присуство, најави денеска министерот за образование Јетон Шаќири.

Тој вели дека и покрај претпоставките во јавноста оти во зимскиот период наставата ќе се одвива онлајн или ќе има продолжен распуст, со цел штедење на струја, образованието сепак е приоритет, како и некои други дејности.

Од гимназијата „Ибраим Темо“, пак, посочија дека се подготвени за престојната зима и дека имаат финансиски средства за греење.

Министерот Шаќири при денешната посета во неколку струшки училишта рече дека следната недела ќе има состанок со министрите за економија ,финансии и другите инволвирани ресори во делот на енергетиката на кој ќе се разговарало за мерките за штедење на електричната енергија во училиштата.