Инцидент со елементи на насилство и присилно одведување бил пријавен вчера во СВР Скопје, откако малолетник од селото Грчец, општина Сарај, алармирал дека во нивниот семеен дом дошло до физички напад.

Според пријавата, на 20 јануари 2026 година околу 13 часот, во домот пристигнале вкупно петмина – двајца мажи и три жени – кои физички ги нападнале Д.Г. (21) и неговата малолетна девојка. По нападот, девојката била земена со сила и однесена од домот.

Во пријавата е наведено дека двајца од лицата инволвирани во настанот се родители на малолетната девојка.

За случајот биле известени надлежните институции, а полицијата презема мерки и активности за целосно расчистување на настанот и утврдување на сите околности.