Села за евентуална амнестија на Груевски: Заинтересиран сум ако на маса се стават и „Монструм“, „Диво насеље“ и „Алфа“
Поранешниот лидерот на Алијанса за Албанците и пратеник, Зијадин Села вели дека неговата партија не учествувала во преговорите за враќање на поранешниот премиер и бегалец Никола Груевски.
-Треба да бидете актер во овие разговори за да знаете што може да се случи. Алијанса за Албанците не е дел од овие пресметки. Сега се чини дека опозицијата влијаела на претседателот да го амнестира Груевски – вели Села во гостување во емисијата „Клик плус“ на 21 ТВ.
Но, Села додава дека тој лично и партијата би биле заинтересирани за амнестија доколку се намалуваат казните и за други осуденици, како што се случаите „Монструм“, „Диво Насеље“ и „Алфа“.
-Не би било добро за правната држава доколку се амнестираат само политичарите. Да се отвори ова, ќе ме интересира овој случај, ако на маса се стават случаите „Монструм“, „Диво Насеље“ и „Алфа – вели Села.