СЕ повторно ја повика Хрватска да го запре насилството врз мигрантите

Фото: Amnesty International

Хрватските власти мора да го запрат насилството врз мигрантите на границата со Босна и Херцеговина и да почнат да ги казнуваат одговорните полицајци, изјави вчера комесарот на Советот на Европа за човекови права, Дуња Мијатовиќ.

Таа истакна дека се уште пристигнуваат извештаи за насилство и покрај тоа што пред две години беа повикани хрватските власти да ги истражат обвиненијата.

– Тоа што уште повеќе загрижува е што извештаите укажуваат дека е зголемено насилството и нехуманото постапување и оти полицајците и понатаму не се казнуваат за сериозното кршење на човековите права, посочи Мијатовиќ.

Таа додаде дека е загрижена поради тоа што хрватската Влада ги отфрла наводите на невладините организации и на истражувачките новинари, како и на меѓународните организации, вклучително на СЕ и на Обединети нации.

Голем број хрватски и меѓународни невладини организации веќе подолг период ја обвинуваат хрватската полиција за систематско лошо постапување кон мигрантите, кои од БиХ се обидуваат да влчезат во Хрватска. Хрватските безбедносни сили се обвинуваат за екстремно насилство, колективно протерување на мигранти и не давање азил.

Извор: МИА

Амнести тврди дека хрватската полиција ги тепа мигрантите кои бараат азил, има и снимки

Хрватското МВР со сомнеж за пишувањето на Гардијан за насилство врз мигрантите

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот