Поранешниот трет тенисер на светот, Милош Раониќ,  официјално објави дека ја завршува својата професионална кариера, ставајќи крај на патот во кој освои осум АТП-титули. Триесет и петгодишниот тенисер, кој останува запаметен како првиот Канаѓанец што стигнал до финале на грен-слем во сингл конкуренција, повеќе од една година не беше активен на терените, а сега одлучи и целосно да се повлече.

Раониќ со години се соочуваше со бројни повреди, а преку социјалните мрежи порача дека дошол моментот да се збогува со тенисот.

„Ова е момент за кој знаете дека еден ден ќе дојде, но никогаш не сте целосно подготвени за него. Мислам дека сега сум поспремен од кога било. Бев најсреќната личност што можеше да ги живее и оствари своите соништа“, напиша Раониќ.

Неговата најуспешна сезона беше 2016 година, кога стигна до финалето на Вимблдон, откако во полуфиналето го совлада Роџер Федерер, а во борбата за трофејот беше поразен од Енди Мареј. Истата година играше и полуфинале на Австралија опен и АТП-финалето, завршувајќи ја сезоната како трет тенисер на светската листа.

Последниот настап во кариерата Раониќ го имаше на Олимписките игри во Париз во 2024 година.

The time has come, I am retiring from tennis. This is a moment you know will come one day, but somehow you never feel ready for it. This is as ready as I will ever be. Tennis has been my love and obsession for most of my life.

I have been the luckiest person to get to live out…

— Milos Raonic (@milosraonic) January 11, 2026