Владата донела одлука со која се менуваат правилата за електронско плаќање патарини, со цел да се зголеми ефикасноста, да се намали времето на чекање на наплатните станици и да се поттикне користењето на бесконтактни методи. Како што информираат од Владата за „Блумберг Адрија“, новите мерки треба да придонесат и за „зголемена безбедност и намалување на злоупотребите“, преку „намалување на влијанието на човечкиот фактор и зголемување на задоволството на граѓаните“.

Еве какви се предвидените измени:

– Минималниот износ за дополнување на смарт-картичка е зголемен на 500 денари (претходно 300 денари).
– Цената на електронскиот уред МТАГ се намалува од 1.200 на 1.000 денари.
– Минималното дополнување за МТАГ е зголемено на 1.000 денари (претходно 300 денари).
– Попусти за електронско плаќање: Рок за плаќање на издадена казна (билет): продолжен од 24 на 48 часа.
– 2% попуст за корисниците на смарт-картички.
– 3% попуст за корисниците на МТАГ, пресметани при секое поминување на патарина.
– Поголема достапност на уредите МТАГ, кои ќе може да се купуваат и дополнуваат на повеќе продажни места преку надворешни дистрибутери.

Со новите мерки, властите се надеваат дека ќе го зголемат бројот на корисници на електронскиот систем за наплата и ќе го олеснат протокот на возила, особено во летните месеци кога сообраќајот е зголемен.