СДСМ го осуди палењето на автомобилот на пратеникот Ристески, бара МВР да го расчисти случајот
Владејачката СДСМ го осуди палењето на автомобилот на пратеникот од ВМРО-ДПМНЕ, Петар Ристески и го повика МВР да го расчистат случајот.
МВР и сите надлежни институции ги повикуваме и очекуваме целосно да го расчистат случајот со опожареното возило на пратеникот од ВМРО-ДПМНЕ, Ристески, сторителите да бидат пронајдени и санкционирани согласно законите, велат од партијата.
Од партијата велат дека го осудуваат овој криминален чин и повикаа на одговорност, а очекуваат јавноста детално да биде инфрормирана за причините, мотивите како и за сторителите.
Доколку во ВМРО-ДПМНЕ имаат внатрешни проблеми не е начин неосновано да се обвнува било кој“ додаваат од партијата.
СДСМ соопшти дека обидите за „манипулација и покажувањето со прст кон некој друг, само за дневно-политички цели, е свесна злоупотреба на случајот, а можеби и свесно погрешно наведување“.