Maкедонецот Мартин Саздов или „Сакса“ со тимот на „Тундра спортс“ го освои третото место на престижниот „Тhe International 2024“ кој се одржуваше во Данска.

Овој турнир е еден од најголемите во гејминг светот, па така и наградниот фонд изнесуваше над 2.3 милиони долари.

„Сакса кој“ доби можност да настапува како замена за рускиот гејмер Едгар Арменовиќ Налтакиан кој имаше проблем со визата и на крајот со соиграчите стигна до третата позиција.

Третата позиција на турнирот на играчите на „Тундра спортс“ им донесе парична награда од 232.000 долари.

Во тимот на „Сакса“ беа уште: Метју Филемон од Индонезија (Whitemon), Финецот Топиас Мик Тавитсен (Тоpson) и Русите Роман Кушнарев (RAMZES666) и Иван Москаленко (Pure).

За главната награда се бореа 16 екипи кои беа поделени во четири групи со по четири тимови, а главната награда заврши во рацете на „Тим Ликвид“, додека на второто место се пласираа „Гаимин Гладијаторс“.

3rd place at TI with a standin.

We are very proud of our guys and cannot thank our fans enough for all the support! ??#TundraTribe pic.twitter.com/9H5dtFKouB

— TUNDRA (@TundraEsports) September 15, 2024