САД може да дозволат терапија со МДМА и халуциогени печурки

Џо Бајден
Џо Бајден / Фото: EPA-EFE/MICHAEL REYNOLDS

Администрацијата на американскиот претседателот Џо Бајден „предвидува“ дека здравствените регулатори ќе ги одобрат дрогите МДМА и халуциогените печурки во следните две години за одредени терапии за пост-трауматско стресно нарушување (ПТСН) и депресија. Администрацијата ја „истражува можноста за формирање федерална работна група за следење“ на екосистемот за психоделичниот третман кој се појавува, се вели во писмото испратено од помошникот секретар за ментално здравје и употреба на супстанции, Миријам Делфин-Ритмон до конгресменката Медлин Дин, пренесува „Интерсепт“.

Халуциогени печурки
Халуциогени печурки/ Фото content_dealer / Alamy / Alamy / Profimedia

Според писмото од мај, кое досега не беше јавно споделено, ова е досега најјасен показател дека највисоките функционери се подготвуваат за одобрување на психоделични дроги – „демонизирани“ со децении, посебно кога претседател бил Ричард Никсон, кој водел голема битка против дрогата и нејзината употреба.

Но, како што се зголемуваат доказите, ваквата идеја станува се пореална. Одобрувањето на ваквите супстанции, кои меѓу другото се и халуциногени, значи дека војната против дрогата во САД постојано се намалува.

Синоќа беше изгласан нацрт-закон, ко-спонзориран од сенаторите Кори Букер и Ренд Пол, за да ја принудат Администрација за спроведување на дрога на САД (ДЕА) да престане да им забранува на терминално болните пациенти да „пробуваат“ лекови при нивната терапија. Правото да се пробаат експериментални терапии е вградено во федералниот закон од 2018 година, но ДЕА моментално ја блокира неговата употреба кај луѓето со рак во доцна фаза кои сакаат да се лекуваат со халуциогени печурки.

„Студиите покажаа дека халуциогените печурки предизвикуваат значително и одржливо намалување на депресијата и анксиозноста кај пациентите со рак опасен по живот“, напиша Букер на Твитер. „Иако обично на терминално болните пациенти им е дозволено да пристапат до лекови кои се во клиничките испитувања на ФДА, ДЕА им забрани таков пристап, и покрај нивниот терапевтски потенцијал“.

Видео на денот