Неколку кинески компании, меѓу кои технолошкиот гигант „Алибаба“ и автомобилскиот производител „БЈД“, вчера беа обвинети од Пентагон дека ѝ помагаат на кинеската армија, објави „Гардијан“.

Американското Министерство за одбрана ги додаде двете фирми на список на компании, за кои вели дека утврдило дека ѝ помагаат на Народноослободителната армија на Кина.

Компаниите беа вклучени и во претходна верзија што накратко беше објавена во февруари, но беше повлечена неколку минути подоцна без објаснување.

„Алибаба“ во соопштение изјави дека нема основа за нејзиното вклучување на листата.

„Алибаба“ ги зголемува инвестициите во вештачка интелигенција по скокот на приходите за 34 отсто

„Нашата компанија нема поврзаност со кинеската војска, ниту е дел од каква било стратегија за воено-цивилен спој. Ќе ги преземеме сите достапни правни мерки против обидите за погрешно претставување на нашата компанија“, се наведува во соопштението.

Кинескиот интернет-пребарувач „Баиду“, кој исто така беше ставен на листата, категорично ги отфрли обвинувањата.

„Сугестијата дека ‘Баиду’ е воена компанија е целосно неоснована. Нема да се двоумиме да ги искористиме сите расположливи опции за компанијата да биде отстранета од листата“, изјавија од компанијата.

Листата беше објавена помалку од еден месец по средбата на претседателот Доналд Трамп со неговиот кинески колега Си Џинпинг во Пекинг, каде двајцата лидери разговараа за некои од спорните точки во трговијата меѓу двете најголеми економии во светот.

Трамп откри детали од разговорот со Си Џинпинг