Актерката Рут Вилсон (38) која толкуваше една од главните улоги во серијата „The Affair“ која предизвика многу реакции во јавноста заради експлицитната голотија и секс сцени конечно прозборе на таа тема. Актерката изјави дека на сетот имало моменти кога „работите не изгледале како што треба“, но таа „успеала да се заштити“.

Неодамна во странските медиуми се појавија обвинувања дека 38-годишната актерка, која за улогата на Алисон Локхарт ја доби наградата „Golden Globes“, ја напиштила серијата поради непријатни секс сцени за кои не била соодветно платена. Покрај тоа, на сетот наводно владеела токсична работна атмосфера и сите стандарди за снимање сексуални сцени биле игнорирани.

Една од авторките на серијата, Сара Трим, ги негираше обвинувањата. Во интервју за магазинот „Stylist“, Рут окри дека сè уште не знае што да изјави за нејзиното напуштање на серијата. Актерката вели дека за неа е важно луѓето да знаат дека таа се погрижила за себе и се заштитила.

„Причината поради која не зборував за „The Affair“ е тоа што не сум одлучила што да кажам. Се крена многу бучава и гнев околу таа тема и мислам дека имам моќ да одлучам како ќе зборувам за мојот живот и моите искуства. Важно е да се знае дека прозборев. Дека имав глас. Дека се заштитив. Имаше ситуации во „The Affair“ кога не се чувствував добро и ги решив“, изјави Вилсон.

„Тоа беше пред движењето „#МеТоо“ и пред Харви Вајнстин, но моите инстинкти беа јасни и силни, чувствував дека тоа што се случува е погрешно и дека не се чувствувам безбедно“, додаде таа.

Во декември 2019 година, Трим јавно се бранеше од обвинувањата дека создала непријатна работна атмосфера на сетот што предизвика Вилсон да го напушти снимањето на серијата. Таа призна дека не се согласува со актерката која одеднаш објави дека ја напушта серијата иако го толкуваше главниот лик.

Се шпекулираше дека проблемот се должи на одредена агресивна сцена во која нејзиниот лик бил принуден да има секс покрај дрво. Вилсон истакна дека сцената изгледа како силување. Покрај тоа, на сет честопати се отварало прашањето зошто актерките треба толку често да бидат голи, додека актерите не.

Актерката Рут изјави дека на сет кога имало секс сцени, честопати имало луѓе кои воопшто не требало да бидат таму, а имало поставено и монитори каде што можело да се гледа сè.

Вилсон призна дека знаела дека работата на оваа серија ќе бара голотија, но била изненадена од честата голотија и самата природа на тие сцени. Кога се пожалила на тоа, била прогласена за актерка која е „тешка за соработка“.