Руски медиуми: Чеченскиот лидер Кадиров пристигна во Мариупол
Руските медиуми пишуваат дека насилниот чеченски лидер Рамзан Кадиров, близок со Владимир Путин, пристигнал во Мариупол за да го подигне борбениот дух на неговите борци кои учествуваат во нападот на тој голем пристанишен град во југоисточна Украина.
„Чеченскиот лидер Рамзан Кадиров е во Мариупол за да го подигне моралот на нашите борци“, изјави Ахмед Дудаев, близок соработник на Кадиров, пренесува руската новинска агенција РИА Новости.
Агенцијата објави фотографија на Кадиров со триесетина вооружени лица во собата, која, како што велат, е направена во Мариупол.
Руската телевизија објави и снимка од Кадиров и маж за кој се тврди дека е рускиот генерал Андреј Мордвичев, кој наводно бил убиен од украинската армија.
Француската агенција АФП не можеше да ја потврди оваа информација од независен извор.
Кој е Рамзан Кадиров – лојален војник на Кремљ кој ѝ се заканува на Украина