Романизирана историска повест: „Мариово – Жива историја“ од Зоран Костески – Шваца

Новинарот Зоран Костески – Шваца, кој голем дел од својот професионален ангажман го посвети на документаристичкиот приказ на македонските села, ја објави романизираната историска повест „Мариово – Жива историја“. На речиси четиристотини страници, тематски тој се обидел барем малку да му се доближи на писателот Стале Попов.

– Четириесетина години со мене е Стале Попов, а триесетина години сум во неговото Мариово. Талкајќи внатре во Мариово, секогаш во себе прераскажувајќи ги неговите записи за Калеш Анѓа (Анѓа Сирмева), Толе Паша (Стојан Куликов), Шаќир Војвода (Крсте Ѓермов), Доста Рожденката (Крпен живот), Дилбер Стана, но и мариовскиот итроманец Итар Пејо, ми дадоа поттик да се обидам да ја продолжам неговата жива раскажувачка традиција, со која мариовците и денеска живеат во светот на приказните, песните, со обичаите, слично како што тоа го има направено Стале Попов.

Се обидов да проникнам во мариовскиот начин на живеење, во душата мариовска, да ја разгранам, однатре да ја насликам со сите нејзини дневни и возвишени чувства, преку автентичната обработка на настаните и личностите, кои останаа верни на своето огниште, не дозволувајќи да згасне пламенот од огнот, да ја растераат пепелта под која со години тлеат безбројните жарчиња – истакнува Шваца.

(Текстот е објавен во „Културен печат“ број 52, во печатеното издание на „Слободен печат“ на 10-12 октомври 2020)

Поврзани вести

Скопски џез-фестивал: Музиката од Скопје стигна до околу 50.000 гледачи во Европа и во светот

Тони Димков

Втора книга: „Паралел“ од Верица Ацеска

Тони Димков

Мегароман: „Сфинга на гневот“ од Жарко Кујунџиски

Тони Димков

Нов роман: „Фантомско стапало“ од Блаже Миневски

Тони Димков

Кинотека: Врачени се наградите „Златен објектив“

Тони Димков

Монографија: Развојот на ИФФК „Браќа Манаки“ е прикажан во хронолошки рамки

Тони Димков

Остави Коментар