Романија ги засилува мерките за заштита на цивилите во граничните населби на Дунав, во непосредна близина на зоната на конфликтот во Украина, поради руското гранатирање на украинските пристаништа.

Националниот комитет за вонредни ситуации на Романија (CNSU) го овласти Министерството за национална одбрана да ги идентификува областите на бреговите на Дунав каде што треба да се преземат мерки за заштита на населението.

„Со оглед на актуелниот геополитички контекст и неодамнешните и повторени напади врз украинските пристаништа Рени и Измаил, Комитетот го овласти Министерството за национална одбрана да ги процени и идентификува областите во Романија кои се блиску до конфликтните области, каде што се спроведуваат посебни мерки за заштити го населението“, се наведува во одлуката.